29 ოქტომბერი ფსორიაზით დაავადებულ პაციენტთა მსოფლიო დღეა

ფსორიაზი ერთ-ერთი გავრცელებული კანის ქრონიკული,მორეციდივე აუტოიმუნური დავადებაა,რომელიც გვხვდება ნებისმიერ ასაკობრივ ჯგუფში.მისი ეტიოლოგია ჯერჯერობით უცნობია,თუმცა კარგად არის ცნობილი ის პათოლოგიური ცვლილებები და გართულებები,რომელიც ვითარდება დაავადების დროს.დაავადება აზიანებს თავის თმიან არეს,ფრჩხილებს,ნაოჭებს და საერთოდ მთელ კანს.გვხვდება გართულებულ შემთხვევაში ფსორიაზული ართრიტი და ერითროდერმია. ფსორიაზით დაავადებული პაციენტები საჭიროებენ,როგორც სიმპტომურ ასევე ზოგად მკურნალობას.პერიოდულად გამწვავების პერიოდში ან სეზონურად ან მთელი ცხოვრება დაავადების გამო იცვლება პაციენტთა ფსიქო-ემოციური ფონი და შესაბამისად ცხოვრების ხარისხი.ასეთ ადამანებს უჭირთ საზოგადოებაში ადაპტაცია და ცხოვრებას აგრძელებენ მუდმივი სტრესის ქვეშ.განსაკუთრებით მოიმატა დაავადებათა რიცხვმა, როგორც ბავშვებში ასევე მოზრდილებში საქართველოში უკანასკნელ პერიოდში განვითარებილი მოვლენების გამო.

ფსორიაზით დაავადებულ პაციენტთა ასოციაცია,რომელიც არსებობს მსოფლიოს მრავალ ქვეყანაში და რომელიც ამჟამად შეიქმნა საქართველოშიც,პაციენტებს დაეხმარება უკეთ გაერკვნენ თავიანთ დაავადებაში,შეხვდნენ ერთმანეთს და მოწვეულ სპეციალისტებს,გაუზიარონ ერთმანეთს აზრი და თავიანთი შეხედულებები,რაც მოუხსნით მათ ბევრ ფსიქოლოგიურ პრობლემას და დაეხმარებათ საზოგადოებაში უკეთ ინტეგრაციაში,მათ ცხოვრებას გახდის უფრო აზრიანს და ხალისიანს,რაც საერთოჯამში დაავადებაზეც რა თქმა უნდა დადებითად იმოქმედებს.

დაავადების ერთ-ერთი ხელშემწყობი ძირითადი ფაქტორი,ფსიქო-ემოციური ფონი შეიცვლება და გაუმჯობესდება ფსორიაზით დაავადებულთა ცხოვრების ხარისხი. პროექტის მიზანია გავაუმჯობესოთ ფსორიაზით და ფსორიაზიული არტრიტით დაავადებულ ადამიანების სიცოცხლის ხარისხი,ხელი შევუწყოთ მათი ცნობიერების ამაღლებას და უზრუნველყოთ მათ ხელმისაწვდომობა უფასო სამედიცინო კონსულტაციებზე,რისთვისაც ვაპირებთ : • შეიქმნას და აღიჭურვოს ფსორიაზით დაავადებულთა ფსიქო-სოციალური რეაბილიტაციის ცენტრი; • შეიქმნას ფსორიაზით დაავადებულ პაციენტთა და ექიმ-დერმატოლოგთა ინტერნეტ ფორუმი; • გაიხსნას უფასო საკონსულტაციო მომსახურეობის ცხელი ხაზი ფსორიაზით დაავადებულ პაციენტთათვის და სხვ. მიმდინარე საკითხებზე მუშაობისას დიდი დახმარება გაგვიწიეს კანის და ვენერიულ სნეულებათა ს/კ ინსტიტუტის გენერალურმა დირექტორმა ბატონმა გიორგი გალდავამ,ამავე ინსტიტუტის პროფესორებმა ქალბატონმა ცირა ლეონიძემ და ქ-მა თამარ ებანოიძემ.სამწუხაროდ ჩვენ ამ პროექტის განხორციელება ვერ შევძელით ფინანსური პრობლემების გამო,უნდა აღინიშნოს რომ ჩვენი ასოციაცია მსოფლიოს ფსორიაზით დაავადებულთა ასოციაციის წევრია,რომელიც პარიზში მდებარეობს.მათ გამოთქვეს ჩვენთან თანამშრომლობის სურვილი და დაიწყო ჩვენს შორის ელექტრონული მიმოწერა.სამ წელიწადში ერთხელ 29 ოქტომბერს ეწყობა ფორუმი ,რომელშიც ასოციაციის წევრი ქვეყნები ღებულობენ მონაწილეობას.ამ შეხვედრაზე წყდება წევრ ქვეყნებში სხვადასხვა ღონისძიებების ჩატარების საკითხები პაციენტთა მდგომარეობის გაუმჯობესების მიზნით,ჩვენ ვერასოდეს ვერ მივიღეთ ამ ფორუმში მონაწილეობა გარკვეული მიზეზების გამო,ვერ ვღებულობთ ვერც მიმდინარე წელს.როგორც მოგახსენეთ მათ ვეკონტაქტებოდით მხოლოდ ვებგვერდის საშუალებით.ეხლა ამის საშუალებაც აღარ გვაქვს თანხის გადაუხდელობის გამო ,შექმნილ მდგომარეობაზე მივმართეთ ქ.თბილისის მერიას,ბატონ გიგი უგულავას,რათა გამოეძებნათ მცირედი თანხები თუნდაც ვებგვერდის გასაახლებლად.ამ წერილზე ჩვენ მივიღეთ პასუხი 3 თვის შემდეგ და ისიც უარი.ასე აღნიშნეს ფსორიაზით დაავადებულთა დღე.სამწუხაროდ ასეთი უგულო დამოკიდებულება გამოიჩინა უგულავამ ამ მძიმე დაავადებით დაავადებულ პაციენტთა მიმართ. ჩვენ იმედს ვიტოვებთ,რომ უახლოეს ხანებში ხელისუფლება გაითვალისწინებს და შესაძლებლობის ფარგლებში დაეხმარება ასოციაციას.